+976000000
shopping_cart Нэвтрэх Бүртгүүлэх

Burentrade.com цахим худалдааны сайт нь "Бүрэн Трейд" ХХК -ийн албан ёсны вэб сайт бөгөөд энэхүү үйлчилгээний нөхцөл нь уг онлайн вэб сайтаар үйлчлүүлэх, худалдан авалт хийхтэй холбоотой үүсэх харилцааг зохицуулахад оршино.

  1. Хэрэглэгч Burentrade.com цахим худалдаа үйлчилгээний нөхцөлийг хүлээн зөвшөөрч баталгаажуулсны үндсэн дээр вэб сайтаар худалдаа хийх, үйлчилгээ авах эрхтэй болно.
  2. Burentrade.com вэб сайтад байгаа бараанууд болон захиалгууд дээр хэрэглэгч захиалга үүсгэсэн хугацаанаас хойш замын хөдөлгөөний ачаалал барааны овор хэмжээнээс шалтгаалан 48-72 цагийн дотор захиалагчийн заасан хаягт хүргэгдэнэ.
  3. Энэхүү үйлчилгээний нөхцөлийн хэрэгжилтэд 'Бүрэн Трейд' ХХК /цаашид Байгууллага гэх/ болон хэрэглэгч /цаашид Хэрэглэгч болон захиалагч гэх/ хамтран хяналт тавина.
  4. Burentrade.com вэбсайт нь зөвхөн насанд хүрэгчдэд үйлчлэх ба насанд хүрээгүй хүүхэд эцэг эхийн хамт үйлчилгээний нөхцөлийн дагуу худалдаа, үйлчилгээ авах боломжтой.
  1. Цахим худалдааны тэмдэгтүүд нь 'Бүрэн Трейд' ХХК-ийн өмч бөгөөд бараа бүтээгдэхүүний тэмдэгтүүд нь Брэндүүдийн өмч болно. Энэхүү вэбсайтын лого, нэр бусад загварыг хуулах, олшруулах, дуурайх, өөр бусад ямар ч зүйлд ашиглахыг хориглоно.
  2. 2. Вэб сайтын ажиллагаа, түүний аюулгүй байдал, цахим худалдааны хэрэглэгчдийн мэдээллийн нууцлалыг 'Бүрэн Трейд' ХХК бүрэн хариуцна.
  3. Хэрэглэгч нь Burentrade.com системд нэвтрэх цахим шуудан болон нууц үгийг бусдад дамжуулахгүй байх, үүнтэй холбоотой учирч болох аливаа эрсдэлээс сэргийлэх үүрэгтэй. Энэхүү үүргээ биелүүлээгүй буюу хангалтгүй биелүүлсний улмаас учирсан аливаа хохирлыг 'Бүрэн Трейд' ХХК хариуцахгүй болно.
  4. Хэрэглэгч Вэбсайтын талаар санал гомдол, шинэ санаа, шинэ бараа борлуулах хүсэлт, шүүмж зэргийг бидний 7000-8188 утсаар чөлөөтэй илэрхийлэх боломжтой.
  5. Хэрэглэгчийн мэдээллийн үнэн зөв, бодит байдалд хэрэглэгч бүрэн хариуцлага хүлээнэ.
  6. Хэрэглэгч худалдан авсан бараа бүтээгдэхүүн, захиалсан үйлчилгээг албаны болон гэрийн хаягаар хүргүүлэн авах боломжтой.
  7. Хэрэглэгч энэхүү цахим хуудсаар худалдан авалт хийж, захиалга өгснөөр үйлчилгээний нөхцөлтэй танилцсан, зөвшөөрсөнд тооцно.
  1. Захиалга авах хугацаа:
    • Хэрэглэгч Burentrade.com цахим худалдааны системийг ашиглан 24 цагийн аль ч цагт хэдэн ч удаа захиалга хийж болно.
    • Хэрэглэгч нь зөвхөн цахимаар худалдан авалт болон захиалга өгөх бөгөөд, зөвлөгөө болон туслалцааг утас 7000-8188, Buren Trade Ulaanbaatar фэйсбүүк чат, info@burentrade.com и-мэйлээр тус тус авах боломжтой.
  2. Захиалга баталгаажих, цуцлагдах хугацаа:
    • Хэрэглэгч нь захиалга хийснээс хойш 24 цагийн дотор зааврын дагуу төлбөрийг бүрэн шилжүүлснээр захиалга нь баталгаажиж хүргэлтийн алба руу дамжина.
    • Захиалгын төлбөр 24 цагийн дотор холбогдох дансанд орж ирээгүй тохиолдолд захиалга автоматаар цуцлагдах болно. Нэгэнт цуцлагдсан захиалгыг дахин сэргээх боломжгүй бөгөөд хэрэглэгч хүсвэл захиалгыг дахин шинээр захиалах боломжтой.
    • Хэрэглэгч 48 цагийн дотор төлбөрийг гүйцэтгэж чадаагүй захиалга цуцлагдсан тохиолдолд "Бүрэн Трейд" ХХК ямар нэгэн хариуцлага хүлээхгүй болно.
    • Хэрэглэгч нь Ажлын өдрүүдийн 09:00-20:00, Амралтын өдрүүдээр 10:00-20:00 цагуудад 7000-8188 утсаар холбогдож мэдээлэл авах, тодруулах бүрэн боломжтой.
  3. Захиалгын бараа хүргэгдэх хугацаа:
    • Burentrade.com цахим худалдааны систем нь хэрэглэгчийн хийсэн захиалгын төлбөр албан ёсны дансанд тодорхой заавар, хэлбэрийн дагуу хийгдсэн тохиолдолд захиалга албан ёсоор хийгдэж баталгаажсан гэж үзнэ.
    • Хэрэглэгч захиалга хийх, төлбөр гүйцэтгэх, бараа хүлээж авах бүрд хэрэглэгчийн бүртгүүлсэн цахим шууданд болон бүртгүүлсэн гар утсанд мэдэгдэл илгээх бөгөөд захиалгын НӨАТ-н баримт хэрэглэгчийн имэйл хаягт илгээгдэх болно.
    • Захиалгын төлбөр гүйцэтгэл, тээвэрлэлт, аюулгүй байдал зэргийг харгалзан төлбөр гүйцэтгэгдсэн өдрөөс хойш бэлэн барааг Улаанбаатар хот дотор хүргэх хугацаа 24-72 цаг дотор / барааны овор, болон тухайн үеийн ачаалал зэргээс хамаарна /.
    • Давагдашгүй хүчин зүйл, бүх нийтийн амралтын өдрүүд, мөн хэрэглэгчээс шалтгаалсан саатлаас хүргэлт тодорхойгүй хугацаагаар саатаж болзошгүйг анхааруулж байна!
  1. Хэрэглэгч захиалга хийж баталгаажуулсны дараа цахим хэлбэрээр захиалгын хуудасны мэдээлэл авна. Мөн Burentrade.com худалдааны систем нь захиалгыг баталгаажуулж байх хугацаанд захиалгын нийт дүн, төлбөр гүйцэтгэх хэлбэр, төлбөр хүлээн авагч байгууллагын нэр, дансны дугаар зэргийг хэрэглэгчдэд ойлгомжтой хэлбэрээр хүргэх болно.
  2. Хэрэглэгчийн хийсэн захиалга бүр дахин давтагдашгүй захиалгын дугаартай байх бөгөөд Миний захиалга хэсэгт захиалгын тухай дэлгэрэнгүй мэдээллийг харах боломжтой.
  3. Захиалга хийгдсэнээс хойш 24 цагийн дотор Хэрэглэгч нь төлбөрийг хүлээн авагчийн дансанд шилжүүлэх, байршуулах шаардлагатай. Төлбөрийг шилжүүлэх, байршуулахад системд заагдсан зааврыг зайлшгүй дагах шаардлагатай.
  4. Burentrade.com худалдааны систем нь захиалгын нийт үнийн дүнг 100 хувь урьдчилан хүлээн авснаар захиалга автоматаар баталгаажна.
  5. Хэрэглэгчийн зүгээс захиалгын төлбөр гүйцэтгэгдсэн бол тус захиалгыг болих, буцаах, цуцлах ямар нэгэн боломжгүй болно.
  6. Хэрэглэгчийн захиалсан барааны загвар зөрсөн, гэмтэлтэй байсан тохиолдолд Burentrade.com худалдааны систем нь тус барааг солиулах эсвэл төлбөрийг буцаан олгох сонголтыг олгох болно.
  7. Хэрэглэгч захиалга хийхдээ тус системд байгаа барааны дэлгэрэнгүй танилцуулга, мэдээллийг сайтар судлах зайлшгүй шаардлагатай юм. Мөн барааны нөөцийг ч лавлах бүрэн боломжтой. Хэрэглэгч тус барааны талаар сайтар мэдээлэл аваагүйгээс болж захиалга хүргэгдэн ирсний дараа захиалгыг буцаах хүсэлтийг Burentrade.com худалдааны систем хүлээн авах, барааг буцаах боломжгүй юм. Системд барааны албан ёсны брэнд, бүтээгдэхүүний нэр, код зэрэг мэдээлэл байгаа тул бусад мэдээллийн сувгийг ашиглан тус барааны талаар мэдээлэл, бусад орны хэрэглэгчдийн санал гомдлыг судлах боломжтой юм.
  8. Дээрх нөхцөл байдал үүсэх боломжтой тул Burentrade.com худалдааны системийн зүгээс захиалга хийгдсэнээс хойш төлбөр төлж, захиалгаа баталгаажуулах 24 цагийн хугацаа өгч байгаа болно.
  1. Хот доторх хүргэлт нь Улаанбаатар хотын дараах хязгааруудад хийгдэнэ.Тус заасан хязгаараас цааш хүргүүлэх тохиолдолд 1км тутамд 2500 төгрөгийн төлбөр нэмж бодогдоно. Үүнд:
    • Баруун: СХД, 5н Шар Моносын уулзвар-с цааш
    • Хойд: СБД, 7 Буудал-с цааш
    • Зүүн: БЗХ, Хууль сахиулах их сургууль-с цааш
    • Урд: ХУД, Нисэхийн тойрог-с цааш
  2. Дээр заасан хязгаараас гадагш хүргэлт хийх тохиолдолд тухайн орон нутаг руу тээврийн болон шуудангийн үйлчилгээ үзүүлдэг үйлчилгээний байгууллагаар хүргүүлнэ. Үйлчилгээний хөлсийг захиалагч хариуцна.
  3. Хэрэглэгч хүргүүлэх хаяг, холбоо барих утасны дугаараа /маш тодорхой/ үнэн зөв бөглөх үүрэгтэй ба буруу мэдээллээс болж үүдэн гарах зардал, алдагдлыг хэрэглэгч хариуцна. Хүргэлт хийгдэх цагаар утсаа нээлттэй байлгах, хаяг дээрээ байх шаардлагатай.
  4. Хэрэглэгчийн бараа хүргэлтэд гарахын өмнөх өдөр бүртгүүлсэн гар утас руу холбогдож мэдэгдэх бөгөөд хүргэлтээр гарсан үед барааг хүргэж буй жолооч очихоос 2 цагийн өмнө дахин мэдэгдэнэ.
  5. Хэрэглэгчийн бараа хүргэлтээр гарсан үед бүртгүүлсэн утас холбогдох боломжгүй бүртгүүлсэн хаяг дээрээ байхгүй бусад тохиолдлоос болж дахин хүргүүлэх шаардлага гарвал хүргэлтийн нэмэлт төлбөр 50,000 төгрөг бодогдоно.
  6. Худалдан авалттай холбоотой дэлгэрэнгүй мэдээлэл хэрэглэгчийн бүртгүүлсэн и-мэйл хаяг, бүртгүүлсэн гар утас руу тогтмол илгээгдэх ба хэрэглэгч өөрийн захиалгын түүх дотроосоо харах боломжтой.
  7. Бараа бүтээгдэхүүний бүрэн бүтэн байдал, зөв ирсэн эсэхийг захиалагч хүлээн авахдаа маш сайн шалгах үүрэгтэй бөгөөд барааг бүрэн бүтэн хүлээж авсан гэх баримт дээр гарын үсэг зурснаас хойших гэмтлийг хэрэглэгч өөрөө хариуцна.
  1. Энэхүү үйлчилгээний нөхцөлийн заалтууд нь өөрчлөгдөх боломжтой. Хэрэв Burentrade.com худалдааны системийн үйлчилгээний нөхцөл өөрчлөгдөх, шинэчлэгдэх тохиолдолд хэрэглэгчийн бүртгүүлсэн цахим хаяг руу тухай бүрд нь мэдээлэл явуулж танилцуулж байна.
  2. Хэрэглэгчийг захиалга хийгдэх үед хүчинтэй байсан үйлчилгээний нөхцөл захиалга хүлээж авах хугацаанд өөрчлөгдсөн тохиолдолд өмнөх үйлчилгээний нөхцөлийг бараа хүлээж авах хүртэлх хугацаанд хүчинтэйд тооцох болно.

МЭДЭЭЛЛЭЭС БҮҮ ХОЦРООРОЙ

Танд шинэ мэдээ мэдээллийг цаг алдалгүй илгээх боломжтой